Die Bybel
Die Vrye Gereformeerde Kerke
glo dat die Heilige Skrif of die Bybel die Woord van God is. Hierdie Woord het geen gelyke nie omdat dit:
- geïnspireer is deur God die Heilige Gees wat baie verskillende mense oor 'n lang tydperk laat skryf het
- onfeilbaar is in die sin dat dit 'n volledig betroubare en vertrouenswaardige boek is wat nie betwyfel behoort te word nie
- foutloos is, wat beteken dat alles wat daarin geopenbaar word sonder fout, teenstrydigheid of wanvoorstelling is nie
- voldoende is omdat dit volledig die wil van God bevat en alles openbaar wat ons moet glo om gered te word
Die Bybel is die finale autoriteit oor wat ons glo en ook ons kerklike lewe.
"Elke skrifdeel is deur God geïnspireer en is nuttig vir onderrig, weerlegging, teregwysing, en opvoeding om God sewil te gehoorsaam, sodat die mens wat aan God behoort, bekwaam kan wees, ten vollge toegerus vir elke goeie taak"
2 Timoteus 3:16-17
Belydenisskrifte en Geloofsbelydenisse
As 'n Vrye Gereformeerde Kerk bely ons ook die eenheid van geloof soos dit bely word in die Nederlandse Geloofsbelydenis, die Heidelbergse Kategismus en die Dordtse Leerreëls, saam met die Apostoliese Geloofsbelydenis, die Geloofsbelydenis van Nicea en die Geloofsbelydenis van Athanasius. Die geloofsbelydenisse en belydenisskrifte van die kerk is nie self die Woord van God nie, maar ons hou hulle as getroue samevattings van God se Woord en as sodanig help hulle ons in ons geloof en lewe.
Ons Geloof
Ons glo in die drie-enige God: Vader, Seun en Heilige Gees. Ons erken dat alle mense sondaars is en redding nodig het deur Jesus Christus alleen. Ons bely dat die kerk die liggaam van Christus is en dat ons geroep is om die evangelie aan die wêreld te verkondig.
Ons eredienste is gekenmerk deur eerbiedige aanbidding, prediking van die Woord, en die bediening van die sakramente van die doop en die nagmaal.